Chak lè w pwononse “Haïtien” ou soulve yon movèz vibrasyon ; yon vibrasyon negativ.
Si m enspire de Me Jn. R. RIGAUD pou m chwazi ekri *AYITI* konsa pito, se paske m estime e viv deja sansasyon sa m ap pale w la. Ide yo, panse yo gen fòs.
Depi AYITI se Haïti, haïtien pa janm renmen haïtien parèy li tout bon, e sa se pa fòt nou tout. Ayisyen pa t janm renmen pwòp tè l. Tout rèv tout ayisyen, menm si ka gen eksepsyon, se wè l kapab vwayaje kite peyi l yon lè kanmèn.
Donk nou menm ayisyen, nou gen yon rèv, se kite peyi a kanmèm yon lè, al viv ou al etidye yon lòt kote. La ankò, se pa toujou fòt nou.
Anpil ayisyen chwazi ret viv AYITI e akòde l tout lanmou yo gen pou li, se aprè yo fin vwayaje ; vizite…
Donk, nou gen yon travay spirityèl pou nou fè, si n vle kòmanse prepare n pou chanjman.
Nati a gen tout fòs yo, men sa w panse, se li w vin ye.
Nati a pa konn sa w vle, li ba w sa w panse. Men m konn yon sèl bagay, nou tout ka mennen l, nan fason n ap panse e reyaji. Sa rete yon travay kontinyèl.
Chak ou panse byen, se ide byen ki anvayi lespri w, e menm kote a se byen w ap kontre sou chemen w.
Chak ou panse mal, se ak mal w ap kontinye fè fas. Tout sa se lalwa d’ vibrasyon ; lalwa d’atraksyon.
Wi li reyèl. “Ke w konsyan de li ou pa, l ap reyaji selon sa w panse”*
Aprann medite se youn nan fason k ap fè w dekouvri fòs natirèl ou.
Se pa maji, se nati. Ke w konsyan ke w pa konsyan nati a ap reyaji pou ou.
Nou se eman, n ap atire sou nou sa k nan lespri n.
Flonet SAINCYR
Page Facebook : La plume d’or
WhatsApp : 509 36 54 50 28
Google, WhoGlocal, Wikipen,
Wattpad, Instagram, YouTube,
Twitter : Flonet SAINCYR
https://flonet-saincyr.business.site/?utm_source=gmb&utm_medium=referral#posts
